31. N ap viv nan yon ti tan

1. N ap viv nan yon ti tan Lasyans ape fè pwogrè Lè nou ouvri Bib la Se bagay ki te ekri Lèzòm al nan lalin Refren: Bondye bay konesans Pou chanje kè lèzòm, Epi sa ki pi bèl, Li fè yo al nan lalin Men ou menm frè mwen, Piga w pèdi lafwa Tout sa se pwofesi Nou wè k ap akonpli. 2. Frè mwen an Jezikri, Annou travay pou mèt la Ou menm k ap priye Miltipliye priyè ou Ou menm k ap preche Mande Jezi direksyon Si ou preche lachè Ou met tèt ou nan erè. 3. Lèzòm al nan lalin Y ap chache sekirite Gen lè yo te konprann Yo t ape wè sovè a Lè yo te rive, Yo wè se tankou latè Yo pat wè Letènèl Epoutan l ap gade yo. 4. Pitit Jezi yo Piga nou dekouraje Gen yon jou k ap vini, Bondye pral mande nou kont, E selon sa nou fè Li va ban nou rekonpans; Se sèlman Letènèl Ki va genyen dwa sou nou.