56. Glwa pou Bondye ki nan syèl la

1. Glwa pou Bondye ki nan syèl la, Glwa pou Bondye sou late tou. Glwa pou li maten, midi, swa Glwa pou Bondye nou toupatou. 2. Mèsi, Bondye pou le solèy K ap klere nou, k ap chofe nou; Mèsi Bondye pou lapli a Ou bay nou woze jaden nou. 3. Mèsi Bondye pou fanmi nou; Pou manman, papa, pitit tou; Mèsi pou tout frè, sè nou yo, Ki renmen nou, sipòte nou. 4. Mèsi Bondye pou zanmi nou, Mèsi pou tout frè levanjil; Pou sè nou yo nan legliz ou, Nou tout se youn nan Jezikri. 5. Mèsi Bondye pou lanmou ou Mèsi Bondye, pou Jezikri. Mèsi anpil pou Sentespri K ap gide nou, konsole nou. 6. O ! padone tout peche nou; Netwaye tout anndan kè nou. Ban nou gras ou jou aprè jou Pou n kapab fè vonlonte ou. 7. Beni Bondye ki renmen nou, Beni li tout moun toupatou. Ak zanj nan syèl yo ann beni Papa, Pitit e Sentespri.