67. Lè mwen te chèche Bondye

1. Lè mwen te chèche Bondye, Mwen menm pechè pèdi, Pou mande l padon peche m Nan non Sovè Jezi, Li koute tout kri kè mwen, Touswit li fè m kontan; Paske Jezi pran fado m E li te ban m yon chan. Kè Wi Jezi te pran fado m Mwen pa t kapab pote l, Wi Jezi te pran fado m Li peye dèt peche m. Tout krent mwen yo te sòti, Li te fè kè m kontan; Paske Jezi pran fado m E li te ban m yon chan. 2. Pafwa chemen an glise, Gen pa ki difisil, Pafwa mwen fèb, mwen bouke, Eprèv yo pa fasil; Men lè m mete m ajenou, “O Senyè, jouk ki tan…?” Lè sa a Jezi pran fado m, Toujou li ban m yon chan. 3. Yon jou tristès te kraze m, M te pèdi tout espwa. Chaj, doulè ak touman mwen Te sanble twòp, mil fwa. Lè sa a yon vwa vin pale m, “Ou pou mwen sètènman.” Lè sa a Jezi pran fado m, E li te ban m yon chan. 4. M a met tout konfyans mwen nan Li, Li konnen tout chemen. Li va gide m ak je li Nan pelerinaj mwen. E m a pale nan Syèl la Pou tout syèk ak tout tan Kòman Jezi pran fado m E plen kè m ak yon chan.